أعلنت الفنانة إيناس عز الدين نجمة اراب ايدولعن انفصالها عن زوجها أحمد قمر برسالة مؤثرة على حسابها على الفيس بوك، لتحزن كل محبيها بهذا الخبر المفاجئ.
وكتبت إيناس عز الدين رسالة تعلن من خلال انفصالها عن زوجها لتقول: “بعلن انفصالي عن زوجي احمد قمر بكل حب و ود واحترام وتقدير ممكن نكون اختلفنا كأزواج اننا نكمل مع بعض او النصيب وقف لحد كده بس هيفضل صديق عمري كله.. معلومة دي مش كدبة ابريل ولا ده خبر هزار”.
وأضافت إيناس عز الدين في رسالتها: “هو ليه الناس مش متقبلة فكرة اننا انفصلنا واحنا بنحترم بعض وبنحب بعض وشايلين لبعض الخير والتقدير واننا اختلفنا كزوجين واكيد القرار ده ما اخدناهوش وليد اللحظة وقبل ما نعلنه اتناقشنا كتير وقررنا ننفصل بالمعروف واحنا شايلين وفاكرين لبعض كل حاجة حلوة”.
وتابعت إيناس عز الدين: “مش لازم نذم في بعض ونغلط في بعض وكل واحد فينا يقول التاني كان مطلع عينه علشان الناس تتقبل فكرة انفصالنا، احنا اختلفنا وصعب نكمل كزوجين بس مستحيل نبطل اننا نفضل في حياة بعض كأصدقاء لاننا طول عمرنا كنا اصدقاء حتى واحنا متجوزين والعشرة مش بتهون بالساهل ومش معنى اننا اختلفنا وانفصلنا كأزواج اننا نكره بعض ونغلط في بعض وما نشوفش بعض ونعادي بعض”.
واختتمت إيناس عز الدين رسالتها لتقول: “احنا هنفضل اهل غصب عن اي شيء وبنكن لبعض كل حب واحترام وتقدير”.
ومن جانبه، تدخل أحمد قمر زوج إيناس عز الدين بطريقته الخاصة ليعلق بكلمات مفاجئة على ما كتبته على الفيس بوك ليقول: “ربنا يخليكي يا أعظم ست عرفتها في حياتي، وهنفضل أخوات وأصدقاء العمر كله”، كما أبدى محبو نجمة اراب ايدول حزنهم على خبر انفصالها، متسائلين هل السبب يعود إلى الشهرة؟ إلا إنها نفت الأمر تماماً مشددة على أن الأمر “قسمة ونصيب”.
وكانت إيناس عز الدين قد اضطرت لإجهاض جنينها في شهر نوفمبر الماضي، بعد أن أخبرها الأطباء أن الحمل خطر على صحتها هي وجنينها.
